الخصوصية

شكون كيعالج هاد المعلومات؟

إيثيك درايف واجهة مستقلة كتساعد على قراءة وضعية التعرضات. هاد الصفحة كتشرح المعالجة اللي كيديرها الموقع، وخدمة نارسا كتطبق المعالجة والقواعد ديالها بشكل مستقل.

مسير الموقع: Yassine ELYAAKOUB.

الماتريكول ونتيجة التحقق

ملي كتكمل رقم تسجيل صالح وكتوقف الكتابة شوية، التحقق كيبدا تلقائياً. الماتريكول كيتصيفط لنارسا باش تتراجع وضعية التعرضات. الكتابة الناقصة أو الصيغة غير المقبولة ما كتطلقش التحقق.

إيثيك درايف ما كيحتافظش بسجل دائم ديال الماتريكولات أو النتائج. الرقم والجواب كيبقاو متاحين فالصفحة خلال الاستعمال، وملي كتبدل الرقم كتختفي النتيجة القديمة. الماتريكول ما كيتزادش فعنوان الصفحة ولا فروابط المشاركة.

إلا اخترتي حفظ النتيجة، كيتحفظ ملف فالجهاز ديالك. هاد النسخة كتبقى عندك حتى تمسحها، وقد يطلع عليها أي واحد عندو وصول لهاد الجهاز أو للملف.

المعلومات التقنية

نارسا كتتوصل بالماتريكول، عنوان الاتصال IP وبالمعلومات التقنية المصاحبة للاستعلام، وكتطبق عليها القواعد ديالها. إيثيك درايف والاستضافة كيتوصلو بالمعلومات التقنية المرتبطة بزيارة صفحات الموقع.

الموقع مستضاف عند Hostinger. سجلات الزيارات تقدر تتضمن عنوان IP، التاريخ والوقت، الصفحة أو الملف المطلوب، ومعلومات المتصفح والجهاز. هاد المعلومات كتستعمل لتشغيل الموقع وحمايته ومعالجة الأعطال، والاحتفاظ بها كيرتبط بخدمة الاستضافة. إيثيك درايف ما كيسجلش محتوى استعلامات الماتريكولات.

اللغة والمعلومات فالجهاز ديالك

تغيير اللغة ما كيمسحش الخانات والنتيجة من الصفحة المفتوحة. الموقع ما كيحفظش الماتريكول فسجل محلي دائم. تقدر تمسح الخانات أو تسد الصفحة من بعد الاستعمال.

التحقق ما كيطلبش منك حساب شخصي ولا كلمة سر ديال نارسا.

قياس الزيارات

Google Analytics 4 كيتحمّل تلقائياً لقياس الزيارات، إلا إلا كان اختيار سابق بتوقيف القياس مازال صالح. الرفض اللي تسجل من قبل كيبقى مطبق حتى كتسالي الصلاحية ديالو، بحد أقصى ستة شهور من تاريخ الاختيار.

ملي كيكون القياس مفعل، Google كيتوصل بزيارة الصفحة وبمعلومات تقنية على المتصفح والجهاز والجلسة. كنحسبو حتى محاولات التحقق اللي بدات، كملات أو وقع فيها خطأ، بلا ما نفرقو واش كاين تعرض أو لا، وكنقيسو منين جاو الزوار من حملات المشاركة. عناوين الصفحات اللي كنصيفطو ما فيها لا معطيات البحث ولا الجزء اللي من بعد #. ما كنصيفطوش الماتريكول، نتيجة التحقق، ولا محتوى الخانات إلى Analytics، وقياس النماذج والبحث والنقرات التلقائي معطل.

Google يقدر يستعمل ملفات تعريف ارتباط خاصة بقياس الزيارات؛ الموقع كيحدد مدتها فستة شهور كحد أقصى. خصائص الإعلانات والتخصيص الإعلاني ما مفعلاش. تقدر تمسح هاد الملفات من إعدادات المتصفح أو تستعمل أدوات متوافقة لحجب Google Analytics، بحال الإضافة اللي كتقدمها Google. هادشي ما كيمسحش المعلومات اللي سبق تصيفطات إلى Google.

الاحتفاظ بالمعطيات فـ Google Analytics

فـ GA4، مدة الاحتفاظ بالمعطيات المفصلة ديال المستخدمين والأحداث مضبوطة على شهرين، بلا تمديد مع كل نشاط جديد. هاد الإعداد ما كيحددش مدة الاحتفاظ بالتقارير الإجمالية العادية، وماشي هو مدة ملفات تعريف الارتباط فالمتصفح.

الإعلانات والروابط الخارجية

الإعلانات ما مفعلاش حالياً. إلا تفعّلات مستقبلاً، خاص هاد السياسة تتحدّث بمعلومات Google وشركائها، والتقنيات المستعملة، وطرق الاختيار والموافقة قبل بدء هاد المعالجة. الموافقة على إرسال الماتريكول لنارسا ماشي موافقة على الإعلانات.

ملي كتفتح رابط موقع آخر بحال نارسا، كتولي خاضع لسياسة الخصوصية ديال داك الموقع. إيثيك درايف ما كتتحكمش فمدة احتفاظ الخدمة الخارجية بالمعلومات.

الأسئلة والتصحيح

استعمل صفحة التواصل لأي سؤال على معالجة البيانات أو لتصحيح معلومة فهاد السياسة. ما تصيفطش وثائق شخصية باش تبلغ على مشكل تقني. تقدر تمسح الخانات وتسّد الصفحة وتمسح بيانات الموقع والملف المحفوظ من جهازك.